.

2006-03-30T12:45:00.000Z

Sælir félagar
Ég ætla að gera þetta fyrsta blogg mitt á þessari síðu soldið gagnrýnið..... en hvað um það . Það fyrsta sem ég vildi nefna er glötuð mæting á æfingar , er áhuginn á tuðrusparki að minnka eða eru menn orðnar svo miklar prímadonnur að það má varla blása úti að þá nennir enginn að mæta. ég veit að núna hugsa margir " en boltinn er alltaf á þriðjudögum og þá er meistaradeildin !" síðast þegar ég vissi þá hefur það ekki drepið neinn að spila bolta á mánudögum eða jafn vel á fimmtudögum ! þetta er svo sem það eina sem ég vildi koma á framfæri.. hélt að það væri meira , ég vona elsku kútarnir mínir að við náum að breyta þessu og skemmta okkur almennilega úti í -3° og 7ms.

kveðja Roses

p.s. ungliðaakademían lýtur rosalega upp til ykkar og þess vegna verðum við að vera góða fyrirmyndir , þeir mæta í öllum veðrum og vindi . ( þeir líta það mikið upp til ykkar að þeir klæða sig allir eins og Haffi , hlusta bara á Radiohead eins og Raggi , þeir kveikja ekki á útvarpinu nema á mánudögum milli 22 og 00:00 , og svo hringdi kennarinn þeirra í mig og sagði mér að öll heima verkefnin þeirra líta út eins og blaðagreinar ! skrítið ..)

2006-02-27T13:23:00.000Z

Það er 6 stiga hiti í Reykjavík og 6 stiga frost í New York!
Þökk sé gróðurhúsaráhrifunum og hlýnun jarðar þá er veturinn á Íslandi ekki neitt til að tala um lengur. Sú var nú tíðin að maður þurfti að moka sig út úr innkeyrslunni fram í miðjan apríl en það er ekki lengur, ó nei.
Við höfum ákveðið í sameiningu að slútta þessum blessaða sal sem enginn lifandi sála týmdi að borga fyrir hvort eð er. Í stað 51.000 krónu gíró er það núna 24.000 krónu gíró sem þarf að borga og ef við gefum okkur það að 10 mans borgi þá eru það skítnar 2400 krónur á haus. Gerum þetta upp á miðvikudag .

Þar sem vorið er í óða önn að koma þá er kjörið að nota einhverja af þessum sparkvöllum sem eru út um alla borg. Það er einn góður í Rimaskóla, einn góður í Álftamýrarskóla osfrv. Komið með tillögur og mætum klukkan 20:00 á þriðjudag á einhvern góðan völl, þá höfum við líka aðeins þægilegri tímaramma, ekki bara 50 mínútur slétt þangað til Júgóslavneska kellingin í Árbæjarskóla kemur og rekur okkur út. Sennilega eru einhvern börn á þessum sparkvöllum en við spörkum þeim bara út af vellinum.

HommiHommiHommiHommiHommiHommiHommiHommi

2006-02-23T14:48:00.000Z

Síðasti sjens!
Þar sem ég var svo góðhjartaður að taka þennan blessaða sal á mitt nafn og mína kennitölu þá finnst mér algjör lágmarks virðing að menn borgi þennan 5000 kall strax!
Ég er farinn að fá ítrekanir og hótanir frá Landsbankanum á mitt nafn og mína kennitölu inn um lúguna hjá mér útaf slugsa-gangi ykkar sem eigið ekki efni á því að borga þetta en eruð samt fullir allar helgar! Ég er kominn í einhverja innheimtumeðferð hjá Landsbankanum vegna ógreidds reiknings á mínu nafni! Og ég hélt í sakleysi mínu að þetta gæti gengið smooth og að það væri ekki fullt starf að rukka fullorðna menn um peninginn!!!
Það er alveg á hreinu að ég lána mína kennitölu ekki við svona skítalabba aftur ef við skyldum leigja sal næsta vetur!
Ég er svona pirraður yfir þessu vegna þess að þetta er á mínu nafni!!!
Það er minnsta mál í heimi að hringja í þjónustuver bankana og taka 5 þúsund krónu yfirdrátt sem dettur sjálfkrafa út um næstu mánaðarmót, flest allir eiga líka foreldra sem geta lánað þeim 5 þúsund krónur. Það er kominn mánuður yfir eindaga! Ef þið hafið einhverja ábyrgðartilfinningu þá borgið þið núna!

Þjónustusími KB Banka: 444 7000
Þjónustusími Landsbankans: 410 4000
Þjónustusími Íslandsbanka 440 4000

Steingrímur, Stebbi, Steini Róses, Raggi Sverris, Daddi, Haffi.

Reikningur: 0525-14-601184
Kennitala: 181184-2649

Það er hámarks óvirðing að ég sé að gjalda fyrir það hvað þið eruð tregir!

2006-02-21T21:42:00.000Z

Ég vill bara lýsa frati á þá sem sögðust ætla að mæta og mættu svo ekki... Þið eruð kúkalabbar og þettamál á klárlega að fara fyrir stjórn... Þetta gengur bara ekki svona..Og ég gallharður nallari ákvað að mæta í boltann og viti menn, það mæta fimm og ég missi af Arsenal eiga frábæran leik og það er ekkert hægt að segja að það se á hverjum degi þessa daganna...

Fuck your couch rúnkarar...

2006-02-20T22:34:00.000Z

Kæru indælispiltar!
Til hamingju með þetta glæsilega útlit! Smá frískun á útliti gerir öllum gott. Þessi síða er reyndar ekki alveg tilbúin enþá, en verður það án efa innan skams . Það á eftir að setja myndir inn í "leikmenn liðsins" en svo er ég búinn að snitta að hinu og þessu.
Endilega fjölmennið í botla á þriðjudag, jafnvel þó svo einhver písoffsjitt lið séu að spila í meistaradeildinni.
Notið komentakerfið hérna til tjáskipta og lifið heilir.

Valgeir vefsíðuhönnuður.

2006-02-13T17:05:00.000Z

boltinn verður á sínum stað á þriðjudaginn. dráttarvextirnir hrannast upp á hraða ljóssins. þetta er síðasta skipti sem ég eyði kröftum mínum í að væla í fólki að borga.

2006-02-13T17:04:00.000Z

boltinn verður á sínum stað á þriðjudaginn. dráttarvextirnir hrannast upp á hraða ljóssins. þetta er síðasta skipti sem ég eyði kröftum mínum í að væla í fólki að borga.

2006-02-08T11:35:00.000Z

Greiðslustatus:

Ég veit að eftirfarandi snillingar eru búnir að borga.
Valli, Steinþór, Jón Brynjar.

Raggi, Stebbi, Steingó, Heimir, Daddi, Sæmi, Róses, Haffi mega endilega gera sér ferð inn á heimabankan sinn og leggja inn á reikningsnúmerið sem hægt er að finna í "um liðið" hér til hægri.

Einnig hefur liðið skráð sig í 7 manna bolta næsta sumar -www.carlsbergdeildin.net.
Ég held að það gæti verið góð stemmin,g c.a 10 leikir yfir sumarið - 2 x 25 mínútna leikir og spilað á hálfan völl, bara kósí. Þessi deild byrjar í maí og endar í lok ágúst og eru engir leikir í júlí mánuði, svo þið sjáið að þetta er passlega mikil alvara í þessu. Sultur eins og við höfum ekki gott af meiru.

Ef mér skjátlast ekki þá gætu eftirfarandi verið til í að reyma á sig skóna í sumar: Valli, Steinþór, Haffi, Steingó, Heimir, Daddi, Róses, Örri og fleiri.
Spurning með Plebban, JB, og Ragga þar sem þeir verða ýmist í Dannmörku eða leggja meiri metnað í knattspyrnuferilinn en UMFJ getur boðið upp á...
Kannski þurfum við signa einhverjar faldar perlur til að hafa squad-ið þokkalega skipað. Bara svona vangaveltur.

Bottom-line í þessari færslu er samt: BORGA!!!

2006-02-03T14:08:00.000Z

51.000 krónu gíróseðill er enþá ógreiddur.

Segjum sem svo að Steinþór, Valli, Raggi, Haffi, Stebbi, Jón Brynjar, Steingó, Daddi, Heimir, Steini Roses og Sæmi greiði gjöldin þá er það 51.000/11 manns sem gerir 4636 krónur á mann eða rétt undir 1000 krónur á mánuði.
Ef það er einhver sem ætlar ekki að vera með í því að greiða þessi gjöld þá verður hann að láta vita "med det samme".

Það er eindagi í dag. Ekki gjalddagi, heldur eindagi.

Ef við göngum ekki frá þessu um helgina þá erum við líklega búnir að missa salinn.

Ég vil fá komenta flóð núna.

2006-01-31T11:28:00.000Z

Sælir félagar !
ég var nú bara að spá hvort það yrði góð mæting í kvöld . Því ekki nenni ég að taka frí í vinnunni og svo kemur enginn !

2006-01-30T14:31:00.000Z

Gíró, Gíró, Gíró!!!
Gíróseðill að upphæð 51.000 krónur frá ÍBR um leigu á sal á vorönn 2006 sem þarf að borga fyrir 3. febrúar datt í þessu inn um lúguna hjá mér...
Vinsamlegast ekki koma með afsakanir, við missum þá bara salinn ef við borgum ekki.

Valgeir

2006-01-23T20:11:00.000Z

Raggi, a.k.a. leikmaður vikunnar segir...........

Ég mæti

2006-01-16T13:27:00.000Z

Ógeðslega skotfastir
Þar sem ég hef sett sjálfan mig í hlutverk alls sem fer fram utan vallar hjá KDJ þá langar mig að stinga upp á því að þessi heimasíða og komentakerfi hennar verði skilvirkari samskiptamáti þar sem menn geta sett inn lítið koment með nafni sem annaðhvort mun innihalda "Ég kem" eða "Ég kem ekki" .
Þannig komumst við hjá því að vera hringjandi út um allan bæ á þriðjudögum til að reyna að smala mönnum saman.

Ég eða vonandi einhver annar getum þá sett inn lítinn póst á mánudögum eða þriðjudögum og allir hinir geta þá litið hér við og boðað forföll eða staðfest komu.

Einfallt og æðislegt!

Valgeir -
"Ég kem"

2006-01-10T12:26:00.000Z

Fótbolti í kvöld
Mæting eins og vanalega klukkan 19:30. Það er skandall að menn séu að væla undan stærri sal þegar að heilir 5 sáu sér fært um að mæta síðast.

2006-01-08T14:44:00.000Z

Fréttatilkynning
Stjórnarformanni UMFJ var rétt í þessu að berast yfirlýsing frá óþekktum auðkýfing sem notast við gælunafnið Roni Brabramovic. Í yfirlýsingunni gerði auðkýfingurinn, sem áður hafði lýst yfir áuga sínum á því að gerast aðalstyrktaraðili UMFJ, hosur sínar grænar fyrir því að gera yfirtökutilboð í knattspyrnufélagið öfluga.

Almannatengsladeild UMFJ fór á stúana og aflaði sér upplýsinga um hinn áhugasama auðkýfing. Kom í ljós að Roni Brabramovic heitir í raun Þorsteinn T. Ragnarsson og auðgaðist sá ótæpilega þegar að ríkisfyrirtækið Alkælingarstofnun Íslands var einkavætt og úr varð Alkul Group. Hefur þessi einkavæðing löngum þótt ein spilltasta og siðlausasta aðgerð síðan sovésku olíufyrirtækin voru einkavædd fyrir slikk hér um árið.
Hvort yfirtökutilboðið hljóðar upp á að eignast 51 hlut af 100 í fyrirtækinu og þar með meirihluta í stjórn eða einfalldlega að kaupa allt félagið er enþá óljóst. Það sem hins vegar er ljóst nú þegar er að hlutafjárseigendur þurfa að gera upp hug sinn hvort félagið er falt. Ljóst er að fjárhagsáhyggjur Knattspyrnudeildar Jörfans yrðu að stórum hluta úr sögunni ef af viðskiptunum yrði. En hitt er svo annað mál, er það rétt að selja ungmennafélagið markaðsöflunum og þar með sálina með?
Stjórnarformaður mun funda með fulltrúum Roni Brabramovic í vikunni og er við því að búast að lagt verði fram formlegt kauptilboð í Knattspyrnudeild Jörfans.

Valgeir Ragnarsson
Stjórnarformaður

2006-01-02T14:57:00.000Z

Jæja kæru liðsmenn Knattspyrnudeildar Jörfans!
Gleðilegt nýtt ár! Þetta ár verður merkilegt, bikarahilla UMFJ mun svigna á þessu ári, rétt eins og á því síðasta!
Væntanlega eru allir orðnir spikaðir eins gamlar konur með tepoka brjóst, bingóhandleggi og appelsínulæri. Nú verður gerð bót á, því á þriðjudag byrja æfingar á fullu í Árbæjarskóla. Við erum enþá þar, en verðum on the look out fyrir stærri sal skyldi hann losna. Tökum hraustlega á því og fjölmennum í æðisgenginn áhugamannafótbolta.
Hvernig væri svo að einhver annar myndi skrifa inn á þessa síðu? umfj og umfj2005...

VR

2005-12-20T10:15:00.000Z

Framtíðin.
Það er ekki fótbolti í kvöld. Árbæjarskóli er kominn í jólafrí.

Eru ekki annars allir til í að framlengja leigunni? Vinsamlegast látið vita í koment.

Ég hringdi í ÍBR og það er ekki laust í stærri sal í augnablikinu en þeir gætu mögulega plöggað sal sem er 33 x 18 á stærð um mánaðarmótin Janúar - Febrúar. Til samanburðar er Árbæjarskóli 27 x 14.

Við erum held ég að borga 3000 kall fyrir tíman núna, það kostar 3400 til dæmis í Ingunarskóla sem stærri.

Hvað segja menn við þessum hugmyndum?

Valli

2005-12-17T14:38:00.000Z

Heillaóskir
Stjórn, leikmenn og aðdáendaklúbbar Knattspyrnudeildar Jörfans óska þeim Steingrími og Ragnari leikmönnum UMFJ innilega til hamingju með stúdentsprófið. Megi Guð og gæfan vera þeim hliðholl um aldur og ævi.

Valgeir Örn

2005-12-12T13:09:00.000Z

Transfer market
Þeir Steni Roses, Robbi og Einar hafa yfirgefið liðið á undirbúningstímabilinu. Hugsanlega munu Roses og Robbi þó koma inn seinna þar sem vaktaprógramm þeirra í vinnunni er ekki í samræmi við æfingatímana okkar. Örn Joð sem lék áður við góðan orðstír hjá úrvalsliði meðferðarstofnunarinnar Vogur hefur verið keyptur til þess að fylla í eitt af þessum skörðum. Við bjóðum hann hjartanlega velkominn til liðs við Knattspyrnudeild Jörfans! Einnig eru slúðurblöðin að skrifa mikið um það þessa dagana að lærifaðir Steinþórs og fyrrverandi unglingalandsliðsmaður í fótbolta, sjálfur Sæmundur Ari Halldórsson muni brátt skrifa undir hjá UMFJ. Það eru greinilega spennandi tímar framundan og ljóst að valin maður er í hverri stöðu hjá þessu firnarsterka knattspyrnuliði.
Eru ekki annars allir búnir í prófum og ætla mæta í bolta á þriðjudag? 19:25 í síðasta lagi.

Við reiknum þá með því að Valli, Stebbi, Steinþór, Raggi, Steingó, Heimir, Daddi, Örri, Haffi og Jón Brynjar mæti til leiks. Þetta er einvala lið sem á vafalaust eftir að lýsa upp desembermyrkrið með tilþrifum sem eiga helst skyllt við Nike Football auglýsingarnar.

Raggi mundu eftir alvöru skóm!

Valgeirr

2005-12-08T15:26:00.000Z

Æfingabúðir síðasta þriðjudag

Það var heldur þunnskipaður hópur sem kom saman til knattspyrnuiðkunar á þriðjudaginn. Aðeins 4 af fastamönnunum mættu til leiks og því var tækifærið notað til að skoða ýmsa leikmenn. Þeir Mummi, Gunni og Örri mættu til leiks og stóðu sig allir með ágæti. Augljóslega vantaði þó upp á þolið hjá lánsmönnunum en engu að síður gerðu þeir góða hluti. Örninn ógurlegi notaði sínar löngu lappir til að verja allt sem að marki kom og sóla menn upp úr skónum með oft á tíðum vafasamri og tilviljunarkenndri tækni. (þetta skrifar flækjufóturinn). Gunna er ýmislegt til lista lagt annað en að hlaupa lengi. Hann varði til dæmis á köflum eins og Guðmundur Hrafnkells fyrir 15 kílóum síðan. Það er óhætt að segja að launahæsti leikmaðurinn hann Raggi prímadonna hafi mætt ofjarli sínum því það lak varla bolti fram hjá Gunnanum. Það var enginn sem stóð sig óvenju vel og því geri ég ráð fyrir því að ég haldi titlinum "maður vikunar" þar til annað kemur í ljós.
Vonandi fer þessari manneklu að ljúka þegar að prófunum líkur og að við náum að fjölmenna í þessa tvo tíma sem eru eftir fram að jólafríi.
Voðalega eru menn annars slappir á þessari síðu. What´a fuck??

Valgeirr

2005-12-06T08:50:00.000Z

Desemberuppbót heilsunar
Er myrkrið að gera útaf við þig? Ertu með hnút í maganum af því að þú ert í rosalega erfiðum prófum? Vinnur þú myrkrana á milli og finnst þú aldrei gera neitt að viti nema þá að vera fullur um helgar? Þekkiru vini þína varla lengur vegna þess að einu skiptin sem þú hittir þá ertu svo ölvaður að þú mannst varla eftir því? ....
Þetta á við okkur alla aumingjana....
Nú, er þá ekki eina vitið að reima á sig skónna, toga sokkana hátt upp og stuttbuxurnar sömuleiðis, lúkka óaðfinnanlega, vera spottless & clean og mæta geysilega hress á æfingu hjá Knattspyrnudeild Jörfans í kvöld. Við megum ekki við meiri forföllum.

Kveðja,
Valli

2005-12-03T15:25:00.000Z

Jæja..

Nú er komið að skuldadögum og þeir sem eiga eftir að borga verða nafngreindir hér:

Jón Brynjar - 2150 Skuld+æfingagjald
Robbi - 750 Skuld
Steini Roses - 750 Skuld
Einar - 250 Skuld
Daddi - 250 Skuld

Reikningsnr. 525-14-601184
kennitala 181184-2649

HM

2005-11-30T11:30:00.000Z

Skemmtilegur fótbolti
Góð mæting var í gær, 9 af þeim upphaflegu 12 sem eru í leikmannahóp liðsins mættu til leiks. Reyndar gekk Einar Guðmundsson fyrirliði á dyr fyrir stuttu, eftir að samningaviðræður sigldu í strand. Steini Roses hefur verið settur á æfingar með varaliðinu og Robbi er á missing persons listanum. Þeir sem mættu voru hins vegar allir í góðu stuði. Greinleg batamerki er að sjá með hverri æfingunni hjá flestum leikmönnum. Ég sé fyrir mér algjöra hraðlest þegar að sólin fer að rísa hærra.

Maður kemur í manns stað og var Hafsteinn tilnefndur fyrirliði UMFJ áður en æfingin hófst. Erfitt val, en að sögn þjálfarans var það metnaður og harðfylgi Tullans sem skilaði honum bandinu eftirsóknarverða. Stjórnarformaðurinn stórgóði setti fjöldan allan af mörkum og var valinn maður vikunar í kjölfarið. Greinilegt að markasúpan sem ég fékk mér í kvöldmat var að gera góða hluti.

P.s Hver var að tala eitthvað um íþróttahúsið í Hvassó eftir áramót eða eitthvað svoleiðis?

P.p.s Tulli fyrirliði/búningahönnuður er svo væntanlegur með fyrstu búningahugmyndir á allra næstu dögum.

Friður, y´all

2005-11-29T09:39:00.000Z

Bounce back!
Já, ég veit að það eru að dembast á suma svakalega erfið jólapróf og allt það. Hins vegar er enginn ykkar svo mikill námshestur að hann geti notað það sem lögmæta afsökun til þess að mæta ekki í 50 mínútna hressandi fótbolta í kvöld. Vonandi upplifum við ekki annan eins skandal og í síðustu viku vegna þess að það er hundfúlt að borga fyrir tíma sem maður notar svo ekki einu sinni.
Skyldumæting!
Dánarvottorð er eina vottorðið sem er tekið gillt fyrir fjarveru í kvöld! Þrátt fyrir þessar hörðu yfirlýsingar þa vil ég ekki hljóma eins og einhver stjórnsamur leiðindaseggur jafnvel þó svo stjórnarformennskan gefi mér allt að því ótakmarkað og óvéfengjanlegt vald yfir ykkur öllum! Ef að líkum lætur þá verður nýr fyrirliði krýndur í kvöld þannig að það er til mikils að mæta!!!

P.s! Off-season dresscode æskilegt í kvöld.

Kveðja,
Stjórnsjúki stjórnarformaður knattspyrnudeildar Jörfans,
Valgeir valdagráðugi

2005-11-27T23:36:00.000Z

Hafjul hönnuarstúdíó kynnir:

Off season dress code

Já já loksins eru komnar fyrstu hugmyndir af búning Jörfa. Við byrjum að sjálfsögðu að kynna off season gallann.

Litir UMFJ verða svartur, hvítur og bleikur. Já það er rétt bleikur verður einn af okkar einkennis litum. Ástæður fyrir því eru nokkrar og komu hönnuðir Hafjuls sér saman um það að þetta væri rétti liturinn fyrir liðið.
Í viðtali í hinu fræga tímariti Vouge segja hönnuðurnir að þeir vildu fyrst og fremst hafa trendy og svala liti en einnig umdeilda og þess vegna haf bleiki liturinn legið beint við.

Þannig að það skiptir því ekki máli hvort við skítöpum eða vinnum við lúkkum alltaf best.

Skylda er að klæðast þessum fötum utan leikvallar á opinberum stöðum. Ef menn sjást í einhverju öðru er það klárlega sekt og jafnvel brottrekstur.

Skylda: Jakkaföt, svört leðurstígvél, bleikteinótt bindi og hvít skyrta.

Æskilegt: hvítur trefill, bleikt leðurbelti, svartir sokkar, bleik og hvít derhúfa, hvítur leðurhattur og trendy gleraugu.

það er gaman að segja frá því að stjórn Jörfa er nú í samningaviðræðum við tískuhús í París um að sauma búningana.

Svo fer aðalbúningurinn a detta hér inn

2005-11-22T16:29:00.000Z

Breaking News!
Því miður verður að hætta við æfinguna í kvöld vegna þess að einungis 5 sjá sér fært um að mæta sem er svo skammarlegt að mig svíður. Sökum þess mun enginn hljóta frímiða á Africa United. Það er hálf undarlegt að í leikmannahópnum okkar sem telur um 13 leikmenn að aðeins 5 geti mætt sem er undir 40%. Mér er flökurt...
Það sem verra er er að á síðustu æfingu treysti ég mönnum fyrir Adidas-boltanum góða því ég átti ekki heimagegnt. Þegar ég svo ætlaði að innheimta hann bentu menn í þvers og kruss á aðra og svo virðist sem boltinn hafi einfaldlega verið skilinn eftir og enginn þorir að taka ábyrgðina. Ég veit ekki hvað ég get sagt við svona löguðu...
Steinþór, þjálfari

2005-11-22T12:13:00.000Z

Fyrirliðaskipti
Já það er sko ekki bara hjá ManU þar sem fyrirliðaskipta hafa verið í deiglunni. Jörfinn stendur á tímamótum þar sem ákveðið hefur verið að finna nþú þegar nýjan fyrirliða í stað Einars sem brátt mun halda á brott er leikmannaglugginn opnast á ný í janúar. Ég sem þjálfir liðsins þarf því að taka þá mikilvægu ákvöðrun um það hver verði hinn nýji fyrirliði knattspyrnudeildar Jörfans. Ég hef nú þegar tekið þá ákvörðun og hefur stjórnun gefið samþykki sitt fyrir henni. Ég ætla ekki strax að gera það opinbert hver tekur við þessari stöðu en ég mun gera það á fundi með leikmönnun rétt fyrir æfingu í kvöld. Ég vonast þess vegna til að sjá sem flesta í kvöld og munið að leikmaður vikunnar að þessu sinni hlýtur frímiða á hina stórskemmtilegu Africa United.
Kær kveðja
Steinþór, þjálfari

2005-11-22T08:05:00.000Z

Ekkert "ég er að vinna", "ég er meiddur" eða "ég er að fara að læra" í kvöld! Einhverjir sem ætla að væla, látið heyra í ykkur nú. Þið hinir sem eruð ekki með leggöng, þá er mæting í skrúfutökkunum í Árbæjarskóla klukkan 19:20 í kvöld!
Einnig hvíslaði því einhver lítill fugl að mér að þar sem þessi æfing á eftir að verða ofboðsleg, þá væri til margt vitlausara heldur en að taka sundskýluna með í töskunni.

Valgeirr

2005-11-17T08:33:00.000Z

Knattspyrnudeild Jörfans er ört stækkandi félag. Klukkan 20 í kvöld á stöðinni Enski Boltinn verða þjálfari og stjórnarformaður (þessi baneitraði í loftinu) í spjallþættinum Liðið Mitt. Munu þeir Steinþór & Valgeir ræða um liðið og leikmenn þess við Bödda Bergs á Skjánum. Þar sem stjórnarformaðurinn og þjálfarinn eru tveir allra mestu sparkspekingar okkar UMFJ manna og þó víðar væri leitað verðið þið að líma ykkur við skjáinn og fylgjast grant með. Að loknum þættinum munum við svo funda með forsvarsmönnum Skjásins um sjónvarpsrétt á leikjum liðsins í framtíðinni.
Nei svona án gríns þá munum við strákarnir ræða um gengi okkar ástsæla knattspyrnuliðs Manchester United á nýliðnu hausti. Má búast við líflegum umræðum og snörpum orðaskiptum enda hafa knattspyrnu umræður okkar Steinþórs iðulega endað með illindum. Má gera fastlega ráð fyrir því að annar hvor okkar, ef ekki báðir muni berja í borð, strunsa út, brjóta settið og vera með kjaftbrúk við sminkuna eftir útsendingu.
Tune in, því þetta verður án efa hressilegt.

2005-11-16T19:06:00.000Z

I don´t know much....

But i know i love you segir í kvæðinu, en góð æfing að baki í gær þar sem vel var tekið á því en það var framtak Haffa sem skilaði honum titlinum leikmaður vikunnar, hann var óstöðvandi og skoraði fjöldann allan af mörkum. Eins og sjá má á myndinni er kom þetta kappanum ekkert á óvart og vildi hann ekkert gera úr þessum verðlaunum.

En þá ég verð nú að segja að ég átti tilþrif æfingarinnar þegar ég pakkaði Steingó saman og lét hann lýta út eins og sex ára smástelpu að suða í pabba sínum um að fá sleikjó. Valli átti skalla dagsins, hann er að sýna það betur á hverri æfingunni sem líður að hann er baneitraður í loftinu og á eftir að reynast okkur sterkur þar. Jón Brynjar er með taktana á hreinu, það vantar ekki. En það er kominn ágæts sektarsjóður og þeir sem skulda eftir æfingu gærdagsins eru: Steinþór,Einar,Robbi,Heimir og Dr Dolittle og er þetta 250 kall á kjaft.

Stebbo tók sig á á æfingunni í gær og eins og sjá má á þessari mynd þá var strákurinn útkeyrður eftir æfinguna..

En þangað til næst.. kveðja Rs

2005-11-15T09:09:00.000Z

Þriðja æfing Jörfans í kvöld.....

Já þá er komið að fyrstu æfingunni eftir að bíómálið stóra lak í fjölmiðla og gerði allt vitlaust, merkilegt hvað þessir tölvupóstar leka altaf út hjá ogvodafone mönnum en það þarf ekki að eyða fleirri orðum í það og eins og máltakið segir: Það þýðir ekki að gráta Steinþór þjálfara. En þriðja æfingin fer fram í kvöld og er stefnan sett á hörku æfingu, þar sem þjálfarinn er ekki þá tek ég við stjórninni og planið á æfingunni er: Upphitun-sprettir-armbeygjur/magaæfingar-sprettir og svo endum við þetta á spretti upp í Árbæjarlaug þar sem við syndum 8 kílómetra, þetta er semsagt bara ósköp venjuleg æfing hjá okkur.
En yfir úr einu í annað þá eru nokkrir búnir að boða forföll þannig að ég held að það komi að minnsta kosti 500 kall í sjóðinn í kvöld (munið að þið eruð bara að fjárfesta í ykkur) En erum við átta sem mæta í kvöld? við þurfum að vera að minnsta kosti átta til að dæmið gangi upp eða eins og einhver merkur heimspekingur sagði: Sjaldan hlaupa sjö tittlingar á eftir bolta. En þá segi ég þetta bara gott í bili og sjáumst bara hressir í kvöld á slaginu 19:20!!!

Kveðka Stjarnan (RS)

2005-11-13T17:24:00.000Z

Gríðarleg blóðtaka
Það er afar leiðinlegt að tilkynna það að ég er tilneyddur til að boða forföll í knattspyrnu á þriðjudaginn. Ástæðan er sú að Skrekkur 2006 er haldin á þriðjudaginn og þurfti ég endilega að vinna á því helvítis helvíti!! Ég mun greiða sektina með bros á vör.
Auðvitað á spilamennskan ekki eftir að vera jafn góð þegar að ég er fjarverandi en ég vona samt að þið náið ykkur sæmilega á strik.
Ég held mér þó alltaf í toppformi, til dæmis tók ég Forrest Gump á þetta í gærnótt og hljóp alla leið heim frá Ölver þar sem ég var nýbúinn að láta 200 kílóa dyravarða skrímsli snúa upp á hendina á mér og fleygja mér út.

Valgeir

2005-11-11T21:42:00.000Z

Ávarp frá þjálfara:
Kæru félagar!
Leiðinleg umræða hefur spunnist hér á opinberum vettvangi okkar ástkæra knattspyrnufélags. Þar hef ég verið sakaður um ósvífni og fyrir svik við liðsmenn Jörfans. Þessa gagnrýni tel ég mjög ósanngjarna og að mestu leyti byggða á misskilningi. Mér virðist sem svo að hún hafi verið hæpuð upp af einum manni þar sem hann hefur reynt að hvetja til múgæsings og skil ég ekki tilgangs hans.
Það sem gerðist var að lítill stjórnafundur var haldin eftir sund á þriðjudaginn, þar sem ég, stjórnarformaðurinn og gjaldkerinn vorum einir eftir inni í klefa. Þar viðraði ég þá hugmynd að kíkja á Africa United í vikunni. Í gær var ég svo á msn þar sem bæði stjórnarformaðurinn og gjaldkerinn voru staddir og ég spurði hvort þeir nenntu í bíó í kvöld. Strax þá setti ég inn auglýsingu á okkar opinberu heimasíðu. Ég vissi ekki hverjir hefðu séð umrædda mynd og hverjir ekki auk þess sem ég hafði ekki númerið hjá nokkrum leikmönnum. Þess vegna afréð ég að hringja í alla og birti þess í stað auglýsinguna. Ég tel að það hafi verið rangt hjá mér, ég hefði átt að láta fleiri vita. Ég bið þess vegna alla afsökunar! Ég tel hins vegar að illa hafi verið að mér vegið og mér finnst ég ekki eiga það skilið og ekki aðrir stjórnarmeðlimir heldur. Við höfum reynt að koma þessum hóp saman, fundið æfingahúsnæði, stofnað reikning, komið fjármálunum á hreint og fleira. Ég er að sjálfsögðu ekki hafinn yfir gagnrýni en ég mundi í framtíðinni vilja að ef einstakir leikmenn eru ósáttir við mín störf að þeir komi og tali við mig í persónu en ausi ekki úr skálum reiði sinnar á opinberum vettvangi. Sem vott um iðrun mína þá mun ég veita leikmanni þar næstu æfingar frímiða á hina margumtöluðu mynd.

Ég vona að leikmenn mínir munu sætta sig við þessa afsökunarbeiðni mína og beini krafti sínum frekar að knattspyrnuvellinum í stað orða hér á síðunni. Vonandi mun þessi leiðinlega umræða ekki skaða klúbbinn varanlega.
Lifi Jörfinn!
Virðingarfyllst
Steinþór, þjálfari

2005-11-11T13:23:00.000Z

Þetta kalla menn liðsanda???

Ég er sko langt frá því að vera sáttur maður núna, UMFJ, það stendur fyrir Ungmannafélagið Jörfi og eitt af aðalsmerkjum ungmannafélaga er að sýna samstöðu og að hvetja til vinsemdar og heiðarlegrar keppni. En í gær var auglýst bíóferð sem flestir sáu of seint til þess að mæta, ég sá svo að það var ekkert búið að kommenta á þannig að ég leit svo á að enginn hefði séð þetta eða engin stemmning hafi verið fyrir ferðinni. En svo núna áðann var ég að tala um samningsmál mín við háttvirtann stjórnarformann og barst þá umræðan út í hugsanlegt samstarf UMFJ og Africa United, þá missti hann út úr sér að hann hefði einmitt séð myndina í gær! Ég kom alveg af fjöllum og sagðist bara hafa haldið að ekkert hefði orðið úr ferðinni en þá tjáði hann mér að okkar þjálfari sem á að heita okkar fyrirmynd hafi hringt í sig og tjáð sér að hann Homie væru á leiðinni á myndina og buðu honum með. Ég spyr ykkur kæru liðsfélagar, er það góð fyrirmynd sem tekur aðeins útvalda með sér í bíó??? Svarið er NEI! Hann átti að sjálfsögðu að gera það sem sönnum þjálfara sæmir og hringja í alla persónulega og láta þá vita af ferðinni. Þetta finnst mér léleg vinnubrögð og hef ég frestað frekarri samningsviðræðum um óákveðinn tíma þar til þetta mál sem setur svo svartann blett á starfsemi ungmannafélaga verður leyst, hvort sem það hefur í för með sér að þjálfarinn segi af sér eða biður afsökunnar á þessu leiðindamáli. Þetta má ekki sjást í neinni íþrótt að þjálfari geri upp á milli leikmanna en það kemur niður á liðinu og ekki er að vænta mikils árangurs ef enginn samstaða er í liðinu.

Með dapri kveðju.

Leikmaður nr 1... ( RS )

2005-11-10T14:54:00.000Z

Hópferð verður á Africa United í kvöld klukkan 18:00 í Regnboganum í tilefni af samstarfi okkar tveggja merkilegu liða.

2005-11-09T10:26:00.000Z

Greinileg batamerki!

Það er greinilegt að leikmenn eru búnir að taka lýsið sitt undanfarna viku því allt annar bragur var á liðinu í gær heldur en fyrir viku síðan. Sóknarleikurinn flæddi vel og var augljóst að hlaupaformið er allt að koma.
Vítavert var þó að 3 lykilleikmenn létu sig vanta og hefur Steingrímur ákveðið að sýna þeim Roses, Robba og JB í sturtu eftir næstu æfingu hversu slæmur strákur hann getur raunverulega verið!
Steingrímur var hins vegar langt frá því að vera slæmur á þriðjudaginn því annan eins stjörnuvarnaleik hafa liðsmenn sjaldan orðið varir við! Uppskar hann titilinn Leikmaður vikunar í kjölfarið! Varnarleikurinn var þó gífurlegt áhyggjuefni og mun þjálfarinn boða til töflufundar á næstu dögum!

Fyrirliðinn er búinn að skutla inn myndum af tilþrifum hér til vinstri, einnig eru komnar myndir í prófílana.

P.s Eindagi á morgun! Vinsamlega borgið án þess að það þurfi að röfla meira!

2005-11-08T13:03:00.000Z

Er einhver sem ætlar ekki að mæta í kvöld?

Jæja litle maggots! Nú verður sko fótbolti í kvöld. Þeir sem af einhverjum óafsakanlegum ástæðum ætla ekki að mæta eru beðnir um að skilja eftir koment. Það þarf að innihalda nafn og svo tilraun til að gefa lögmæta útskýringu á fjarverunni. JB er þegar búinn að beila, hann missteig sig þegar að hann lennti illa á gólfinu eftir að hafa verið að hanga í ljósakrónnni á Prikinu sem slitnaði svo.

Annars sjáumst við bara allir hressir klukkan 19:20 í Árbæjarskóla

VR

2005-11-07T12:32:00.000Z

Þjálfarinn í spjalli
"...Eins og staðan er í dag þá á ekki nokkur maður að geta bolað mér út úr byrjunarliðinu"

Steinþór Helgi Arnsteinsson nýráðinn þjálfari Knattspyrnudeildar Jörfans sat í dag fyrir svörum í afar sjaldgæfa einkaviðtali við opinbera heimasíðu Knattspyrnudeildar Jörfans. Í spjallinu sem þjálfarinn átti við blaðamann umfj.blogspot.com virtist hann vígreifur og tilbúinn í slaginn.

Segðu mér Steinþór, hvernig lýst þér á form leikmanna svona á fyrstu æfingu?

Ja, ég veit ekki hvað maður á að segja. Menn voru misvel komnir á sig. En ég held að það segi bara sína sögu um gæði æfinga ef menn fara allir lemstraðir og ælandi af henni. Þetta er eitthvað hins vegar sem ég þarf að vinna í og ég geri nú ráð fyrir því að menn verði komnir í topp form áður en langt um líður

Hverjar eru þínar helstu áherslur á undirbúningstímabilinu? Myndir þú telja það lykilatriði að koma leikmönnum í topp hlaupaform eða frekar að koma saman vel spilandi liði strax?
Já ég tel það vera lykilatriði. Áður en menn geta farið að spila þá þurfa þeir allavega að geta hlupið allan leikinn. Ég segi: Fyrst nærðu tökum á því að hlaupa stanslaust í 50 mínútur. Svo geturðu farið að huga að því að spila boltanum. Þegar ég hef komið mönnum í almennilegt form mun ég fara að huga að teknískum hliðum leikmannanna. Það er ekki spurning að við þurfum að byrja strax á fullum krafti þegar mót hefst næsta sumar.

Eru frekari hreyfinga á leikmannamarkaðnum að vænta á næstu mánuðum?
Já ekki spurning. Það er mjög mikilvægt að hafa breiðan og umframt allt góðan leikmannahóp. Ég vil ekki þurfa að lenda í því á leikdegi að ég verði í vandræðum vegna þess að einhver hálfvitinn drakk tvemur eða þremur of mikið kvöldinu áður!

Miðað við fyrstu æfingu, gætir þú þá sirkað út 7 manna byrjunarlið miðað við það sem leikmenn voru að sýna?
Nei það er allt of snemmt að fara að stilla upp einhverju liði núna.

Nú er fyrirliðinn Einar Guðmundsson að hverfa af landi brott í janúar, en eins og frægt er orðið fékk hann fullan styrk til að sækja konunglegu dönsku knattspyrnuakademíuna næsta hálfa árið. Sérð þú í spilunum hver það er sem mun taka við fyrirliðabandinu eftirsótta?
Ég get ekki sagt annað en það sé gríðarleg eftirsjá af Einsanum, enda einn af máttarstólpum liðsins. Það sást best á fyrstu æfingu hvað maðurinn hefur tekið gífurlegum framförum. Eins og staðan er núna þá sé ég ekki í spilunum hver getur tekið við af honum.

Nú hefur því verið slegið upp að ef Ragnar Sverrisson leikur með liðinu á nætu leiktíð þá munir þú alfarið byggja sóknarleikinn upp í kringum hann, erum við að horfa á "einnar stjörnu lið"?
ÉG MUN EKKI BYGGJA EITT NÉ NEITT Í KRINGUM EINN MANN! Það kemur ekki til greina. Eins og hef áður lagt áherslu á þá er þetta eitt lið sem hefur eina sál og hugsar því sem ein manneskja.

Sérðu fyrir þér sókndjarft lið sem pressar framarlega á vellinum eða skipulagðan og agaðan varnarleik sem síðan nýtur góðs af skyndisóknum?
Ég mun hafa það að leiðarljósi að Jörfinn skori alltaf fleiri mörk en andstæðingurinn. Ég mun þess vegna leggja mikla áherslu á sterkan sóknarleik. Aftur móti er það ekkert launungamál að agaður varnarleikur verður í hávegum hafður

Nú er baráttan um stöður í liðinu geysihörð. Hvaða leikmenn eru að þínu mati framherjar liðsins? Hyggstu spila með tvo framherja eða hugsanlega einn djúpan miðjumann?
Að svo stöddu vil ég ekki tjá mig um þetta mál, enda verður enginn einn með fast sæti í þessu liði.

Telur þú liðið hafa á að skipa frambærilegum markverði?
Ekki enn sem komið er, nei. En ég tel að það megi vel tefla Rósesnum fram í þeirri stöðu eða jafnvel Homie. Ég held að þeir báðir geti leyst þess stöðu af með sóma.

Oft kemur upp dillema þegar að þjálfarinn er einnig leikmaður, hversu gagnrýninn verður þú á þína eigin spilamennsku? Telur þú þig eiga byrjunarliðs sætið skilyrðislaust?
Eins og ég hef margoft áður sagt og þú ættir að vera farinn að skilja er að það mun enginn eiga víst sæti í liðinu, ég meðtalinn. Ég tel mig vera afar sanngjarnann mann og vel dómbær á það hvort ég eigi að vera í liðinu eður ei. En eins og staðan er í dag þá sé ég ekki að að nokkur geti bolað mér úr byrjunarliðinu.

Hvert er markmið þitt sem þjálfari liðsins á fyrsta tímabili þess?
Ekkert annað en titill kemur til greina.

Nú er UMFJ áhugamannalið (enþá að minnsta kosti). Hvaða kröfur gerir þú um líferni leikmanna utanvallar?
Að þeir sýni háttvísi allstaðar þar sem þeir koma. Drekki ekki 12 tímum fyrir leik og reykingar eru stranglega bannaðar, sem og kynlíf.

Hvernig munt þú bregðast við því gapi sem opnast á miðjunni við brottför fyrirliðans?
Maður kemur í manns stað þannig að með þessum hóp sem ég hef núna auk leikmanna sem munu bætast við held ég að það ætti að vera hægt að fylla það stóra skarð sem Einar mun skilja eftir sig. Það verður erfitt en ekki ómögulegt!

Telur þú að sú staðreynd að þú sem þjálfari ert yngri en sumir leikmennirnir og að margra mati óreyndur muni vinna á móti þér?
Nei alls ekki, þvert á móti held ég að það vinni með mér. Ég er þess vegna opnari fyir nýjungum og ekki eins íhaldsamur og hinir sem eldri eru. Ég held að árangur minn í Championship manager 01-02 hafi algjörlega afsannað það að ég hafi ekki getuna.

Hvenær má þess vænta að leikmenn UMFJ stígi á völlinn í keppnisbúningum og etji kappi við annað lið í æfnigaleik?
Fljótlega eftir áramót eftir að menn eru komnir í nægilega gott form.

Nú hefur verið rætt um líkamlegt form leikmanna, víkjum að hinu andlega. Eru leikmenn almennt tilbúnir að standa undir þeirri pressu sem fylgir því að klæða sig í keppnistreyju UMFJ?Hvernig metur þú hugarfar leikmanna svona í byrjun undirbúningstímabilsins?
Ég held að sumir séu ekki enn búnir að átta sig á þeirri alvöru sem á eftir að fylgja þeirri ábyrgð að klæðast búningi UMFJ. En almennt sýnist mér sem svo að ferskur andi ríki yfir herbúðum okkar manna og ég hef miklar væntingar til þessa liðs og ég tel að strákarnir geti vel staðið undir þeim.

Margir leikmenn virtust ansi þunglamalegir á fyrstu æfingu en hverjir voru að þínu mati ljósu punktarnir?
Leikgleðin var án nokkurs vafa það gleðilegasta í þessu öllu saman. En þó svo að menn hafi verið léttir og kátir þá var mönnum samt fúlasta alvara og keppnisskapið einfaldlega geislaði af mönnum fyir utan einstaka svarta sauði sem ekki vera nefndir hér á nafni. Það er hins vegar ágætt að vita til þess að þessir svörtu sauðir munu líklegast ekki spila með okkur næsta sumar.

Eru einhver skilaboð sem þú villt koma áleiðis í lokin?
Nei í raun ekki ég held að ég hafi komið markmiðum mínum á framfæri í þessu viðtali. Ég vil hins vegar að það komi aftur fram að það á enginn og ég enturtek ENGINN fast sæti í þessu liði. Við spiluðum sem ein heild síðastliðinn þriðjudag og við munum halda því áfram. LIFI JÖRFINN!!!

VR

2005-11-02T00:43:00.000Z

Undirbúningstímabilið hafið

Það sem meira er, Knattspyrnudeild Jörfans er formlega tekin til starfa. Það er óhætt að segja að fáránlega mikið hafi verið um fína drætti þegar að 12 leikmenn Knattspyrnudeildar Jörfans mættu á sína fyrstu æfingu í Árbæjarskóla á þriðjudag. Þó var ljóst að menn eru í mjög misjöfnu hlaupaformi, en það er eitthvað sem verður lagað á sunnudagsmorgun klukkan 08:00. Mæting er á Bárugötuna í skokkgallanum...

Eftir að hafa tekið ófyrirséðan reitarbolta í korter, taktískan töflufund og súisæd, hófust loksins leikar. Það var enginn annar en búningahönnuðr og klæðskeri UMFJ, Hafsteinn Júlíusson sem skoraði fyrsta markið á fyrstu æfingu liðsins, við hér í stjórn liðsins óskum honum auðvitað til hamingju með það. Steinþór þjálfari hélt eftirminnilega liðsræðu í byrjun æfingar þar sem hann hamraði á mikilvægi sterkrar liðsheildar og söngluðu hans síðustu orð í hausum allra leikmanna á æfingunni, "munið, þegar að við löbbum út á völlinn þá löbbum við út ekki sem einstaklingar, heldur sem lið!" Sjálfur fann ég hrollinn fara um mig.

Ég held að þessi orð hafi haft mikla þýðingu fyrir leikmenn því sjaldan hef ég séð annan eins einnar snertingar bolta og var spilaður á æfingunni. Þó svo glæsileg einstaklingsframtök hafi komið inn á milli var það liðsheildin og spilamennska hennar sem stóð upp úr þetta kvöld. Þetta kvöld vorum við sem einn hugur og þurftu liðsmenn sjaldnast að líta upp áður en þeir gáfu boltan. Menn vissu einfaldlega að samherjinn yrði þarna.

Á allra næstu dögum verður þjálfarinn svo í spjalli hér á síðunni, þar mun hann væntanlega fara yfir stöðu mála og meta frammistöðu og möguleika hvers leikmanns fyrir sig.

VR

2005-11-01T13:51:00.000Z

Sektarreikningur Jörfans

Ég er búinn að stofna reikning fyrir UMFJ.
Reikningsnúmerið er : 525-14-601184
kennitala: 181184-2649

Ef það eru eitthverjar spurningar. hafið þá bara samband!

Heimir Gjaldkeri

2005-10-31T15:13:00.000Z

Það rignir inn fréttunum hér á umgj.blogspot.com

Með leyfi stjórnarformanns þá hef ég hér með gert sektarlista fyrir tímabilið 2005-06.
Hann er eftirfarandi:

1. Mæti leikmaður/þjálfari ekki á æfingu án þess að láta nokkurn vita skal sá hinn sami greiða því sem samsvarar einni kippu í sektarsjóð. ( 1000 kr.)

2. Mæti leikmaður/þjálfari seint á æfingu án þess að láta vita skal sá hinn sami greiða því sem samsvarar hálfri kippu í sektarsjóð. (500 kr.)

3. Mæti leikmaður/þjálfari ekki á æfingu en lætur vita skal sá hinn sami greiða því sem samsvarar tveim bjórum í sektarsjóð. (250 kr.)

4. Mæti leikmaður seint á æfingu en lætur vita skal sá hinn sami greiða því sem samsvarar einum bjór í sektarsjóð. ( 125 kr.)

5. Mæti leikmaður ekki í leik eða kemur of seint í leik skal sá hinn sami greiða því sem samsvarar heilum kassa af bjór í sektarsjóð. ( 4000 kr.)

6. Mæti leikmaður ekki í leik eða kemur of seint án þess að láta vita skal sá hinn sami greiða því sem samsvarar einni kippu af bjór. ( sjá reglu eitt)

Ef veikindi koma fyrir leikmenn skal koma með vottorð á næstu æfingu frá annaðhvort kærustu eða foreldra/forráðamanni.

Með kveðju : nýskipaður sektarsjóðsformaður Raggi di Baggio

Sektarsjóðsformaður áskilur sér þann rétt að breyta án fyrivara.

2005-10-31T13:31:00.000Z

30 klukkutímar í fyrstu æfingu!
Jæja kæru félagar þá styttist í þetta. Ég ætla að leggja það til að eftir æfingu á morgun verði farið í hópferð í 10 bíó til að sjá stórmyndina Africa United, svona til að þétta hópinn saman. Til þess að gera þetta enn skemmtilegra mun, ég þjálfari ykkar, gefa þeim leikmanni sem stendur sig best á æfingunni frímiða á myndina. Þannig að það er um að gera að vera vel stemmdur á morgun. Á æfingunni eftir viku mun ég svo bjóða þeim leikmanni, sem stendur sig best þar, frítt í sund. Þannig að það er til mikils að vinna hjá UMFJ og leikmenn verða að muna að mæta fyrir klukkan 19:30 í íþróttahúsið við Árbæjarskóla á morgun. Eftir æfingu verður svo farið í bíó.
Kær kveðja
Steinþór, þjálfari

2005-10-31T08:17:00.000Z

Það er ekkert launungamál.......

Já strákar mínir og liðsfélagar, þá er komið að því sem við allir höfum verið að bíða eftir, bévítans tuðrusparkið er að hefjast og þá er ekkert annað í stöðunni enn að tuffa rækilega í lófann á sér og hrista af sér spekið og koma sér í gírinn. Sem sérstakur sjúkraþjálfari, reynslubolti, varnarjaxl og aukaspyrnusérfræðingur liðsins þá hef ég tekið eftir því að menn koma misvel undan sumri, flestir þó þrælvel tálgaðir og flottir en allt má bæta. Þetta undirbúnings tímabil mun án efa einkennast blóði, svita og tárum ef ég þekki rétt til þjálfarans. Menn þurfa að leggja á sig mikla vinnu og sumir meira en aðrir en ég efast ekki um það að menn eru samstilltir á að koma vel undirbúnir til leiks en munið bara að það er ekkert launungamál að það er stutt í kúkinn og þunn lína á milli þess að vera hetja og skúrkur, persónulega veit ég bara hvernig er að vera hetja en það er allt önnur ella. En við mætum svo bara tímanlega á morgunn, í síðasta lagi klukkan hálf átta!!!! og legg ég hér með til að það verði sekt fyrir þá sem koma of seint og mun sektin renna í góðgerðarmál (bjórsjóð)..

Varnarjaxlinn Raggi di Baggio kveður.

2005-10-30T17:31:00.000Z

Þriðjudagur klukkan 19:30 í íþróttahúsinu í Árbæjarskóla!

Jamm og jæja. Í gær fór stjórnarformaðurinn (allsgáður eins og prestur) í bæinn og hitti þar velflesta leikmenn UMFJ í misgóðu ástandi. Varð ég m.a vitni að því að að menn væru að dansa um á typpinu, áritandi punga, gargandi "PUERTO RICO!! OHHOO!!" og allskonar önnur óíþróttamannsleg hegðun var í fyrirrúmi. Sjálfur tók ég ekki þátt í neinu slíku enda liggur minn metnaður í því að hljóta náð fyrir augum Steinþórs (the gaffer) og sýna fram mátt minn sem knattspyrnumaður. Hmmm....?

En annars vildi ég bara minna ykkur alla á að mæta tímanlega til að tíminn nýtist sem best og ef einhver getur ekki séð sér fært um að mæta þá mætti sá hinn sami endilega skilja eftir koment.

VR

2005-10-27T17:07:00.000Z

Ávarp hins virðulega þjálfara Jörfans
Heilir og sælir kæru félagar
Þá er komið að því, stund sannleikans! Næstkomandi þriðjudag munu stífar æfingar hefjast fyrir komandi keppnistímabil og ég get sagt ykkur að það verða ekki leyfð nein vettlingatök! Ó nei, ég get sagt ykkur litlu maðkar að ég vil enga aumingja í mitt lið og ef ég fæ einhverja slíka mun ég gera þá að alvöru karlmönnum með stóra hnullunga í klofinu á sér. Þá meina ég ekki liminn á mér í rassgatinu ykkar! Nei þið verðið að hafa eitthvað undir ykkur, einhverjar alvöru töggur. Ég lýð það ekki að einhverjar helvítis kellingar verði vælandi eins og nýfædd lömb á æfingum. Á æfingum vil ég að menn leggi sig 100% fram. Það verður ekki liðið ef menn ætla að vera í einhverju slöppu formi. Þess vegna vil ég að menn mæti klukkutíma fyrir hverja æfingu með hlaupaskó og taki léttan hring um Elliðaárdalinn, ekkert andskotans hálfkák.
Ég vil byggja upp sterkt lið og grunnurinn verða þeir leikmenn sem við höfum signað nú þegar. Í byrjun næsta sumar munum við svo fá snarvitlausa andskota frá Mongólíu, Bong Dhor og Don Dog, sem munu styrkja liðsheildina enn frekar. Ég vil líka gera mönnum það ljóst að það á sko enginn fast sæti í þessu liði, nema að sjálfsögðu ég sjálfur. Það getur enginn helvítis snobbhani verið viss um það að geta gengið að því vísu að ég muni krjúpa mig og beygja og gefa honum byrjunarliðssæti fyrir það eitt að hafa verið með einhverja déskotans prímadonnustæla. Sæti í liðinu vinnst með vinnu og aftur vinnu og engu öðru.
Ég býst því við mönnum ferskum á þriðjudaginn kemur og munið að ég vil enga helvítis aumingja í mitt lið!
Lifið heil og LIFI JÖRFINN!!!
Hin virðulegi þjálfari UMFJ, Steinþór

2005-10-27T10:43:00.000Z

Samningaviðræður við Bong Dohr

Mongólska Knattspyrnusambandið hefur gefið Knatspyrnudeild Jörfans leyfi til að hefja samningaviðræður við hinn íslensk ættaða Bong Dohr (Feitar Kinnar) sem hefur leikið við góðan orðstýr í Góbý eyðimörkinni undanfarnar vikur. Segja innanbúðamenn að aðeins eigi eftir að ganga frá formsatriðunum og því stefnir allt í að Bong Dohr gangi til liðs við Knattspyrnudeild Jörfans í Júní 2006. Einhver smá vandræði hafa komið upp með vegabréf kappans en alþjóðafulltrúi Knattspyrnudeildar Jörfans vinnur að fullu í þeim málum núna. Átti landamæraeftirlitið bágt með að trúa því að barnið á myndinni í passanum væri í raun leikmaðurinn sjálfur. Steinþór þjálfari liðsins hafði þetta að segja um málið: "þessir mongóla skrattar eru snöggir andskotar maður! Og það er sko akkúrat svona djöflar sem við þurfum, þessir andskotar virðast geta hlaupið endalaust. Ég veit ekki hvort það er geitamjólkin eða hvað, djöfulli eru þeir sprækir alltaf hreint" Að því sögðu þurfti Steinþór frá að hverfa til að stýra æfingu.

Óstaðfestar sögusagnir herma einnig að Don Dog, náfrændi Bong Dohr sé einnig undir smásjánni hjá Knattspyrnudeild Jörfans. Hefur sá síðarnefndi þó átt við þrálát meiðsli að stríða því krapmi í lærvöðva virðist alltaf taka sig upp aftur eftir c.a 10 mínútna leik. Ragnar Sverrisson nuddari liðsins segir þó að það sé ekkert sem sínar töfrahendur geti ekki læknað.

VR

2005-10-26T23:58:00.000Z

Kæru félagsmenn, aðdáendur og aðrir lesendur!
Einar Guðjohnsen hefur staðið við stóru orðin og afstýrt því að blog.central.is hýsi heimasíðu Knattspyrnudeildar Jörfans. Síðan er reyndar ekki fullkláruð og á eftir að snitta ýmislegt í kringum hana. Það er þó ljóst að allt er að fara á fullt í Knattspyrnudeild Jörfans.
Samningar náðust á 12. tímanum í dag við Árbæjarskóla um að Knattspyrnudeild Jörfans noti íþróttahúsð þeirra sem heimavöll og fögnum við þeim samningum. Á meðan önnur knattspyrnulið liggja í dvala á þessum árstíma eftir langt og strangt keppnistímabil eru Jörfamenn strax byrjaðir að æfa á fullu fyrir komandi átök. Héðan í frá verður æft á þriðjudögum frá 19:40-20:30 og er það krafa stjórnar og þjálfara að menn mæti stundvísislega. Ragnar Sverrisson hefur þegar úthlutað einstaklingsmiðuðum æfingar og matarprógrömmum á vissa leikmenn því það er auðvitað stefnan að leikmenn nái toppformi.

Margir leikmenn hafa nýlega gengið til liðs við liðið og hafa nokkrir fleiri sterkir verið sigtaðir út. Hægt er að fræðast eylítð um liðið hér til hægri.

Verið dugleg að kíkja hingað inn og hafið það gott.

Kveðja,
Valgeir